01—07 setembar
Une cjaminade cui struments su lis spalis vignint ju pal Nadison par une serie di events fra sperimentazion e fieste popolâr.
La partecipazion ai events e je libare e gratuite.
Par cui che al volès zontâsi a une o plui tapis
de cjaminade: tel. 392 9619185
Lunis 01.09
h 15.00 — partence, Glesie di San Zuan
8,5 km / 2’45 h / +315 -290
Di Platiscjis o larìn a cirî la confluence dal Riul Blanc e dal Riul Neri che miscliçantsi a dan inizi al cors dal Nadison. Tornant si fermarin tes pissandis Čukula, Pod Jama e Antico Mulino.
h 19.00 — Aree de sagre di Platiscjis, Taipane
Leo Virgili e Paolo Forte a sunaran cun:
Il côr Naše vasi, fondât cuasi 50 agns indaûr al è une risultive preseôse pal recupar dal repertori sacri e popolâr dai cjants tradizionâi de Benecie. I nestris doi musiciscj/cjaminadôrs a provaran a miscliçâsi cun lis lôr vôs.
h 9.00 — partence, Glesie di San Zuan
14 km / 3’30 h /+240 -360
Dope vê traviersât il flum tal vecjo confin dal Puint Vittorio Emanuele III o rivarìn tal borc di Breginj, il paîs plui adalt inte val dulà che al nas il Nadison e metût dapît de lungje dorsâl de mont Stol.
h 18.00 — Kuore Sa, Breginj 103
Leo Virgili e Paolo Forte a sunaran cun:
Maja Predatoria
Kuore sa e je une straordenarie riserve di resistence culturâl nassude tal borgut di Breginj. Cheste tape e viodarà l’incuintri cun Peter della Bianca, cjantautôr di Bovec e la cjantante soul Maja Predatoria.
h 9.00 — partence, Kuore Sa
20 km / 4’30 h / -350
Di Breginj o tornarin jù tal Nadison fin sul vecjo puint di Napoleon. O cjaminarìn a ôr dal flum sot de Mont Mie fin cuant che al volte par jentrâ in teritori talian, po traviersant la grande plane che je prime dal paîs o rivarìn a Cjaurêt.
h 20.00 — Camping Koren, Ladra 1b, Kobarid
Leo Virgili e Paolo Forte a sunaran cun:
La ecletiche musiciste di Lubiane Urška Cvetko e je buine di tignî adun il virtuosisim rigorôs dai flauts rinassimentâi cul mont mat de animazion cui pipins intune performance curiôse e buine par dutis lis etâts.
h 9.00 — partence, Kobarid Camping Koren
12,5 km / 4’00 h / +1350 -100
Di Cjaurêt o larin sù fin tal Mataiur de bande nord, passant pal borc di Svino e i prâts sot de cime panoramiche di dulà che podarìn viodi Lusinç e Nadison, Alps Juliis, Cjargnelis e Dolomitis e jù fin tal mâr.
h 18.00 — Dom na Matajure
Leo Virgili e Paolo Forte a sunaran cun:
Luisa Battistig,
Claudia Salamant,
Marina Cernetig,
Barbara Floreancig (Poesia)
“Tal cîl e nade la lune”, chest al è il titul dai incuintris poetics che si davuelzin tes Vals dal Nadison dai agns ‘90 fin in dì di vuê. Pe ocasion il storic happening poetic al cjape il troi pe cime dal Mataiur miscliçantsi a la musiche dal vîf.
h 9.00 — partence, Dom na Matajure
17 km / 5’00 h / +130 -1450
O vignin jù de mont a rote di cuel dal pont plui alt des Vals, il Mataiur, a chel plui bas, il ripâr di Biarç. De cime ai prâts dal pas Glevizza e po a cjaval de dorsâl fra San Zorz e San Canzian jù fin tal Nadison a Surzint e infin tornâ sù fin tal Landri di San Zuan.
h 19.00 — Landri di San Zuan, Via Antro – Pulfar
Leo Virgili e Paolo Forte a sunaran cun:
Di simpri in viaç fra Austrie, Olande e Zimbabwe, la cjantante furlane Laura Giavon e pant une capacitât fûr dal ordenari tal meti adun il virtuosisim de tecniche classiche cul ecletisim improvisatîf di divignince jazz, filtrant dut traviers la libertât e la veretât dal cjant popolâr.
h 9.00 — partence, Mulin di Biarç – San Pieri
12,5 km / 3’00 h
O larìn in muel tal Nadison compagnâts dal gjeolic Andrea Mocchiutti di Wild Valley, che nus fasarà scuvierzi dai lûcs intal foran sgjavât dal flum. La tape e larà indenant in plan dal Puint di Sant Quarin su la diestre orografiche dal flum e traviersant il borc di Firman nus puartarà tal parc des sculturis Braida Copetti a Levrons.
h 19.00 — Parc sculturis Braide Copetti, Via Natisone, Levrons – Premariâs
Leo Virgili e Paolo Forte a sunaran cun:
Stefano Giacomuzzi,
Wild Valley
NADISON-TOR
h 9.00 — partence, Place di Firman, Via San Giovanni 12 Premariâs
15 km / 3’30 h
La ultime tape, ancje cheste in plan, nus tornarà a puartâ su la çampe orografiche dal Nadison. Di Orsarie o rivarìn a Manzan passant pai Cjasâi Selva e la zone de Sdricca e, lant indenant, par San Nicolò o rivarin ae confluence dal Nadison inte Tor. Il pont di rivade de nestre cjaminade.
h 18.00 — Confluence Nadison-Tor, Il maneggio, Cjasâi Birri – Manzan
Leo Virgili e Paolo Forte a sunaran cun:
Laura Giavon,
Eugenio Dreas
Fasarin fieste par le siaradure dal percors clamant cun nô ducj i artiscj incuintrâts vie pe setemane. Ospit speciâl di chest ultim event il premi Tenco Loris Vescovo, autôr di cjançons che a son stadis buinis di interpretâ chest teritori fat di aghis,
pieris, cunfins e incuintris.
ORGANIZÂT DI
CU LA POIE DI
IN COLABORAZION CUN
